• en
  • mk
  • sq
  • en
  • mk
  • sq

Нансен Модел за интегрирано образование

Донација од НДЦ Скопје и Амбасадата на Кралството Норвешка во Белград за училиштата

Во налетот на мноштво предизвици кои ги наметна секојдневието во услови на пандемија, особено е важно да не ги заборавиме тие на кои им е потребна најголема грижа, заштита и внимание – децата!

Промоција на Македонско-албански / Албанско македонски разговорник

Нансен дијалог центар од Скопје, реализирајќи ја својата визија како невладина организација што промовира поквалитетно образование базирано на интеркултурализам и меѓуетничка кохезија, поттикна изработка на македонско-албански / албанско-македонски разговорник, проект што беше поддржан од страна на Високиот комесар за национални малцинства при ОБСЕ, а беше реализиран од двајца автори, универзитетските професори д-р Бертон Сулејмани и д-р Веселинка Лаброска.

Промоција на прирачникот „101 игра”

Со особено задоволство, Нансен Дијалог Центар Скопје, го промовира прирачникот „101 игра” креиран и подготвен од страна на тимот на НДЦ Скопје. Истиот содржи мноштво, лесни и интересни игри наменети за сите возрасти. Понудените игри се разновидни, наменети како за училишен, така и за домашен, сеемен амбиент.

Крај на првото полугодие во учебната 2019/2020

Наскоро завршува уште едно весело, разиграно и интеркултурно училишно полугодие, благодарение на посветеноста, мотивацијата, позитивната енергија, трудот и љубовта на наставничките тандеми, учениците, родителите и соработниците на Нансен модел за […]

Завршна активност и доделување дипломи

На 31. мај 2019. година, наставниците Зујца Стојанова и Дениз Реџепов заедно со учениците од прво одделение ја реализираа завршната воннаставна активност според Нансен модел за учебната 2018/2019 година. Во училишниот двор, учениците играа разни игри со натпреварувачки карактер чии цели се учениците да се поттикнат за изведување на вежби, да го развиваат чувството за естетско изведување на движењата и да се стимулираат правилно да ги изведуваат вежбите. Сите ученици беа активно вклучени на активноста и покажаа одличен спортски дух. На крај на активноста, со цел одбележување на успешната учебна година на учениците им беа доделени дипломи за учество во активностите на Нансен моделот за интеркултурно образование.НДЦ Скопје им посакува среќно и забавно лето!

Завршна активност и доделување дипломи

На 27. мај 2019. година, наставниците Наташа Забрчанец и Дарко Талески заедно со учениците од шесто одделение ја реализираа активност “Портрет” во рамки на темата “Фотографија” од Уметничката секција на Годишната програма за воннаставни интеркултурни активности.Учениците беа поделени во парови, тандемот наставници на секоја група им даде цртеж со одредена емоција. Секое дете го црташе портретот на соученикот од парот, со дадената емоција на лист хартија.На крај на активноста, со цел одбележување на успешната учебна година на учениците им беа доделени дипломи за учество во активностите на Нансен моделот за интеркултурно образование. НДЦ Скопје им посакува среќно и забавно лето!

Зеленчукова градина

На 27. мај 2019. година, наставниците Тодорка Нане и Надица Нане заедно со ученици од петто одделение ја реализираа дневната активност “Зелена салата” во рамки на темата “Зеленчукова градина” од Еко секцијата на Годишната програма за воннаставни интеркултурни активности.Во текот на оваа активност учениците имаа можност да научат повеќе за зелената салата – марула, какво растение е, што содржи, како влијае врз организмот и какво е нејзиното значење за човековото здравје. Учениците направија споредба со неколку видови зеленчук и од истите направија салата.Цели на оваа активност се: запознавање со улогата и важноста на зелената салата-марула како дел од здравата исхрана, како предуслов за правилен раст и развој, поттикнување на љубопитност кај учениците за осознавање и истражување, поттикнување соработка меѓу учениците и наставниците од двете групи, поттикнување и поддржување на позитивна социо-емоционална клима во групата како и збогатување на активниот речник кај учениците со нови поими на двата јазика.

Фотографиите од учениците се објавени по претходно добиена согласност од страна на нивните родители/старатели.

Месечна ахива